Leiklistarskólinn Opnar dyr hefur það að markmiði að gefa fullorðnu fólki tækifæri til að kynnast leikrænni tjáningu í afslöppuðu og öruggu umhverfi. 

Skólinn hefur verið starfandi í rúm 10 ár og býður uppá skapandi leiklist og sjálfstyrkingu. Fjöldi manns hefur komið á námskeið og sagt að námskeiðið hafi hjálpað þeim bæði persónulega og í starfi. ,, Stórkostleg upplifun & frábær skemmtun" ,,Frábært að fá að gera eitthvað algjörlega nýtt, krefjandi og skapandi." er meðal annars það sem nemendur hafa sagt um námskeiðið.  

Ólöf Sverrisdóttir og Ólafur Guðmundsson leikarar og leiklistarkennarar stofnuðu skólann á sínum tíma en þau hafa bæði starfað við leiklist og kennslu um árabil. „Okkur fannst hreinlega vanta svona námskeið þar sem fullorðnir fengju tækifæri til að læra leiklist og í leiðinni að þroska sig og efla sjálfstraust í gegnum skemmtilegar leiklistaræfingar.“

Leiklistarskólinn Opnar dyr eða námskeiðin á vegum skólans einbeita sér að æfingum sem opna fyrir sköpunarflæði og leikgleði á sama tíma og nemendur læra leik og spunaæfingar sem nýtast þeim jafnt í leiklistinni og lífinu sjálfu.
Á námskeiðunum brýst fólk út úr hefðbundinni hegðun og stígur út fyrir þægindaramman og í því er frelsi sem gefur orku og sjálfstraust.

​

Á námskeiðunum er unnið með:

• Spuna

• Stanislavski tækni

• Aðferðir Augusto Boal (þátttökuleikhús)

• Frásagnartækni

• Líkamsleikhús

• Trúðatækni

• Núvitund í leiklist

Ávinningur þinn

• Aukið sjálfsöryggi

• Frelsi í hugsun og tjáningu

• Færni í samskiptum

• Aukin færni til að setja sig í spor annara

• Færni í persónusköpun

• Færni í sjálfssprottinni tjáningu leikarans

• Aukin meðvitund í tíma og rúmi

Námskeiðin hjá leiklistarskólanum hjálpa fólki að finna öryggi í sjálfu sér og blómstra í lífinu. Sköpunargleði og frjáls tjáning hjálpa nemendum að njóta augnabliksins og til að treysta sjálfum sér í öllum aðstæðum.

​